منتديات جيل المستقبل الرابع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


العلم....الحلم....القلم
 
الرئيسيةالبوابةأحدث الصورالتسجيلدخول

 

 لغة العصر الحديث لغة الشباب

اذهب الى الأسفل 
كاتب الموضوعرسالة
المشرف العام أحمد صفوان
Admin
المشرف العام أحمد صفوان


المساهمات : 269
تاريخ التسجيل : 24/06/2009
العمر : 27
الموقع : https://gel-almostaqple4.ahlamontada.net/

لغة العصر الحديث لغة الشباب Empty
مُساهمةموضوع: لغة العصر الحديث لغة الشباب   لغة العصر الحديث لغة الشباب I_icon_minitimeالثلاثاء يوليو 14, 2009 2:15 am

((بسم الله الرحمن الرحيم))

حول اللغة السرية للشباب تعالوا (( نرمى ودانا فى حجرهم )) ونشوف بيقولوا اية ؟؟؟؟؟


يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أوحتة (( شامبو )) يعنى ريحتها حلوة ومستحمية !!!



ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!



ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى(( خيش وقش ))....



وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف(( الموكوس )) الغلبان ....



خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...



(( تس تس )) يعنى رزل وممل ... (( شامورتى )) يعنى خنييق ..(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!



ولو الولد تعبان فى المذاكرة يعنى (( جايب جاز والشراب هوى ومتخرتق )) !!!وأكثر مصطلحات متداولة هذة الايام(( العب باشكا )) يعنى العب على المكشوف !!(( حطيت إيدى على البلف )) يعنى فهمت الموضوع !!!



(( أدعك الفانوس دلوقتى )) يعنى ممكن تمشى وترحل !!!(( أرحلك )) أخرجك من الشلة !!(( الجوند )) فلوس !!(( مكيش القفف )) معاه فلوس كتير !!(( يا صباح المظلات )) للمتقدمين للكليات العسكرية !!(( فهمـى )) يعنى نفض وكبر الجمجمة !!!(( أحلق )) طنش !!!(( انت حتزاولنى )) انت حتشتغلنى !!!


(( مهييس )) عامل دماغ وطاير قووى !!!(( يا صباح اللى بتغنى )) صباح الخير !!(( يا مساء الليل )) يعنى يا مساء الخير !!!(( فوكك )) سيبك من الموضوع دة !!!



(( أراك أمس )) يعنى مش عايز اشوفك تانى !!!(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!(( كل معرفتى بيه .. هاى باى )) يعنى مش صاحبى قوى !!!(( شوليطى . موليطى )) يعنى مش معايا فلووس .. مفلس !!ومن مصطلحات الاغانى المنتشرة بكثرة هذة الايام الاتى ( انا رايح ألعب مع روبى )) يعنى انا رايح الجيم !!!(( تعالوا نحصل ماريا )) تعالوا نلعب شوية !!(( انت بتقلد روبى ؟ )) يعنى بتخبى وبتدارى !!(( أنت كدة تعجب بوسى سمير )) يعنى انت حطيت النقط على الحرووف
الرجوع الى أعلى الصفحة اذهب الى الأسفل
https://gel-almostaqple4.ahlamontada.net
 
لغة العصر الحديث لغة الشباب
الرجوع الى أعلى الصفحة 
صفحة 1 من اصل 1
 مواضيع مماثلة
-
» ( المصالح - المجاملات ) لغة العصر الحديث
» الانترنت لغة العصر الحديث . ماالذي حققناه مع هذه اللغة
» البصرة / ( اطفال مرجعية السيد الصرخي الحسني وتعلم لغة العصر الحديث )
» لغة العصر الأهرام

صلاحيات هذا المنتدى:لاتستطيع الرد على المواضيع في هذا المنتدى
منتديات جيل المستقبل الرابع  :: تكنولوجيا :: لغة العصر-
انتقل الى: